URKI PROTAGONISTA

Kaixo Familiak!!
Aste honetan Urki izan da protagonista. Astelehenetik bere jostailuekin jolasten egon gara eta atzo arratsaldean bere ama eta aita etorri ziren gure eskolara.
Urkik Txakurraren ipuina kontatu ondoren Josemak koloreak atera zizkigun bakoitzari bere bertsoa eginez, oso parregarria izan zen...
Ondoren iazko Azenario Erraldoiaren bertso-antzerkia ikusi eta Harri zopa egin genuen, batzuk probatzera ere ausartu ziren... Galtxagorrien gaiari heldu eta bakoitzak bere marrazkia egin eta ondoan etxera eramateko bertsoa egin ziguten.Oparia ere jaso genuen: Ipuinak bertsotan DVD-a
Hona hemen argazkiak...

Eskerrik asko denagatik!

AINETZ PROTAGONISTA

Kaixo Familiak!
Aurreko astean Ainetz izan zen protagonista. Astelehenetik aurrera bere jostailuekin jolasten ibili dira haurrak, oso gustora...eta ostiralean!!!bai horixe Ostiralean ama, aita eta Haitz etorri dira eskolara.
Maiak ipuin bat kontatu zigun, Enekok Afrikako argazkiak eta gero beraiekin Afrikako animali batzuen maskarak egin ditugu.

Eskerrik asko gurekin etortzeagatik.

PINTXO POTE

Herriko ohiturei jarraikiz, ostiral honetan eskolan pintxo pote galanta prestatu dugu. Honekin Neguko jana edo jatetxe proiektuari ere bukaera eman diogu. Haurrek 3 pintxo mota desberdin prestatu zituzten, edaria aukeratu eta dastaketari ekin diogu! Batzuk sabelak bete arte jan ta edan ibili dira, beste batzuk bakarra probatu dute...bakoitzak nahi izan duena.
Hona hemen argazkitxo batzuk:

Bikain pasatu dugu eguna!
Eskerrik asko denei etxetik laguntzeagatik.
Ongi izan.

ARATZ M PROTAGONISTA

Aste honetan zehar Aratz izan da protagonista, ekarritako traktorei zuku handia atera diote txikienek...Ostegunean, bere amatxo eta arreba gure eskolara etorri ziren eta amak Kalendula ezti propoleo ukendua egin zuen. Haur batzuk bertan probatu zuten, zuzenean, eta kopeta guztia olioz bete zuten. Gero, ukendua bukatuta, gurekin gustura gelditu ziren...

Eskerrik asko familia!!

LEIRE PROTAGONISTA

Arratsalde on!!
Aste honetan zehar Leire izan da gure protagonista. Astelehenean bere jostailuen maleta handia ekarri zuen eta aste osoan zehar haurrak oso gustora jolasten egon dira.
Ostegunean bere izeba Mertxe eta ama Kontxi etorri ziren, Maiak lagunduta eta ERROSKILAK egin genituen. Oso goxoak atera zitzaizkigun!

Eskerrik asko familia.
Ongi izan.

ESKOLAKO LOGOA

Arratsalde on!
Dakizuenez, azaroan zehar haurrekin eskolako logotipoa sortzen ibili ginen. Azkenean, Napalek lagunduta azken emaitza lortu dugu, honako hau da:

Zer iruditzen zaizue? Polita ezta?
Loreak gure baratza proiektuari lotuak daude, baino ongi erreparatuz gero, ez al dituzue ikusten pertsonen eta haurren siluetak horren atzean besoak goraka (pozik?) eta aurrera eginez bezala?
Gu pozik gaude egindako lanarekin eta zuen gustukoa ere izatea espero dugu.
Besterik gabe.
Ongi izan.

OLENTZERO EGUNEKO KONTUAK

Arratsalde on!
Abenduak 20an eskolan Olentzero eguna ospatu genuen. Oso polita izan zen eta primeran pasatu genuen.
Goizetik Olentzero etorri eta gurekin egon zen, oso nekatua iritsi bazen ere, opariz betetako zakua ekarri zuen.

Eguraldiak gehiegi lagundu ez bazuen ere, kanpoan ere aritu ginen. Olentzero eta Mari Domingi lagun genuituela, danbolina jarri eta gaztainak erre genituen.

Ongi izan!